I ricordi.
So drio viver de ricordi.
Par i ricordi resto tacada
a sta vita co le ónge.
Se me mostré le foto
de quando gero giovane,
‘pena sposa, riconosso tuti e tuto
anche se desso me desméntego
quelo che go magnà diese minuti fa.
Riconosso i fradei, che no ghe xe più,
i vestiti, i capèi,
le calze che gavevo comprà
co la piova a Milàn,
le stanze de case dove al sabo se balava,
e che desso i ga fato botéghe,
i to oci, le to man, le camíse bianche e stréte
che ti portavi de domenega,
quele braghe curte cussí ridicole
- vàrdite qua - che ti te metévi de istà
par andar al Lido, o a pescàr.
Con gli auguri di buona lettura, sia che andiate al Lido, o a pescare o in montagna.
Francesco Caggio
1 Andrea Longega, Finìo de zogàr, Il ponte del sale, Este, 2012, pag. 21